簡慕華受《大叔》帶挈商演不絕 余潔滢唔認Tiger嫂

(星島日報報道)簡慕華（Rachel）、「MIRROR嫂」李炘頤（Alina）、Luxi、「Tiger緋聞女友」余潔滢（Zoe）及「Dee姐」陳海寧昨日出席譚仔活動，Alina表示與男友邱士縉（Stanley）同居非試婚，只為方便工作及爭取見面機會。她又否認在網上發文是暗寸公司幫Stanley推Job，澄清公司一直對二人很好，又自薦演出《大叔的愛》電影版，希望「拗直」Edan。Rachel坦言獲《大叔的愛》帶挈，不少商演及廣告斟洽中，只望盡快開拍電影版延續氣勢，亦鐵定不會加片酬！

「Lokman嫂」Luxi不介意有「阿嫂光環」，歡迎跟男友合作搵錢，但並非趕結婚。她又指當途人跟Lokman合照時，自己會識做彈開，更試過幫手揸機影相，相當大方！Zoe澄清非「Tiger嫂」，只是朋友，但歡迎一起工作，有錢齊齊搵。Dee姐同樣否認是「193嫂」，只是「阿Dee親屬」，但不抗拒與193再度合作。她說：「起初被指似Dee哥冇乜感覺，但最近開始擔心女生男相會嫁唔出，所以邊個話阿Dee樣衰即是同我過唔去！哈哈！」