君如真實母女關係如朋友

(星島日報報道)吳君如、梁仲恆及蘇樺偉母子昨日出席《媽媽的神奇小子》電影展覽及慈善義賣，君如笑言為此片喊到變「眼乾症」，當導演提議她滴眼藥水時，自己反而笑到喊！

談到女兒可有見過她感性的一面，君如笑言現實中鬧女更感性，但目前與女兒的關係似朋友，「如果次次惡過她會唔聽你講，同埋唔好講三次重複，唔好依依哦哦。我都叫她有乜唔開心要同我講，唔好自己解決。但她不算反叛，同我關係好親密。」她笑指今次威逼女兒到場買書支持，皆因為慈善幫助傷殘協會，但女兒對參與慈善活動也很樂意，女兒和侄女亦有份在該片客串演出，戲中與梁仲恆擦肩而過。她說：「侄女的表演欲大過女兒，但個女貪得意感受下媽媽拍戲，我都有封100元利是給她。」