王梓軒主持節目奉旨玩嘉賓

(星島日報報道)王梓軒昨日為網上音樂會錄影時，笑言經常要為TVB節目《演鬥廳》錄影至凌晨兩點鐘，皆因不時出錯發生「蝦碌」事件，又搞笑謂節目快將要改名為「2600」，不過也試過早收半小時至凌晨點半鐘，但覺得自己好似中六合彩，又指節目內好多要即場創作，一眾參與的嘉賓亦需要好大方，因為會將個人事件及花邊新聞即興創作歌詞去唱歌。他說：「最近鄭俊弘（Fred）話有次出席活動時忘記拉褲鏈，報道出街先知。不過上來節目的嘉賓唔會嬲，就係拎呢啲嚟玩。」

問到可會擔心令嘉賓發嬲？他說：「無人嬲，所以咪話要大方囉！佢哋要大方，我哋照玩之嘛！」