家燕姐爭住湊孫恨兒孫滿堂

(星島日報報道)薛家燕的孫仔石汶栩（Julian paul）上月26日出世，榮升新手嫲嫲的家燕姐昨日以代言人身分現身廚具活動，大談湊孫仔的樂趣，她笑言兒子石耀庭早前首度與孫仔慶祝父親節，自己就封利是畀孫仔，現在亦會爭住湊孫仔，笑說：「孫仔中文個名係親家請教人而改，英文名Julian paul係兒子改，不過我問過師傅李居明都話孫仔個相和八字都好，希望他健康成長啦！」

談到可想再抱孫？家燕笑言：「新抱要餵人奶，o依家坐緊月，休息下先。我諗佢哋有計畫，唔好畀壓力佢哋！我都有同修哥（胡楓）講想學佢兒孫滿堂。」