李幸倪為貓拍檔捱蚊叮

(星島日報報道)李幸倪（Gin Lee）早前拍攝時裝廣告，在郊外和貓咪攜手拍攝，她笑言：「早前因為疫情及天氣過於炎熱，好多工作都變咗拍攝廠景。但係今次想延續上輯廣告嘅信息，跟住貓咪嘅足迹，發現愛護大自然嘅重要性，我覺得好有意義而且非常有故事性，所以我係絕對唔會介意拍外景！」

有動物緣的Gin Lee與小貓甚為合拍，休息期間小貓更躺在她身上睡着，令她動彈不得：「可能小貓見我化妝坐喺度唔郁，咁咪跳上嚟休息吓囉，呢個係培養感情嘅方法，梗係唔可以趕走佢啦！但係我哋戶外拍攝，期間好多蚊出嚟『搵食』，我怕太大動作會嚇親貓貓，所以俾蚊咬到又紅又腫，只要貓咪舒服其實都係十分值得。」