蔡思貝自爆蝸居200呎 瞓碌架牀

(星島日報報道)無線清談節目《Mean Talk》昨晚請來蔡思貝與好姊妹何雁詩、賴慰玲齊齊大爆陳瀅不為人知「Mean」面目！思貝更為自己及身邊人「大平反」，對忽然富貴傳聞，她落淚自爆是慳住200呎瞓碌架牀。

思貝在節目中被追問入行七年共有15單緋聞，更被封姣精，她坦承為此而不開心：「始終都唔係讚，但我覺得有原因，頭幾年我真係唔太識（避忌），當係跌一下、上一課。」

當然不得不被重提千萬買車又買樓，忽然富貴的傳聞，賴慰玲和何雁詩即力證思貝是靠慳才有今天，連主持林盛斌亦幫口：「佢嗰架車係cheap到拎去劏都未必值幾千。」

思貝聞言即忍不住落淚：「有啲人辛酸會公諸於世，我唔係咁，我懶有骨氣。一路以來，無論傳媒講乜，我一次都冇澄清過。我一路專注工作，冇人知道所謂女一，住200呎瞓碌架牀。」她們又揭露「娛樂圈問價」事件，期間思貝拿出手機向主持展示前一天收到的問價內容，並透露最高試過被問價200萬。

而前晚一集，丁子朗意外爆與心中女神湯洛雯一段「關係」。提到初拍劇時狂NG而遭幕後冷嘲熱諷，靚湯見狀即伸出援手幫他講好說話，並捉他在廠行一圈。江美儀即追問：「點解唔追佢？」子朗坦言：「我有約過佢睇戲，但最後冇physically咁出嚟睇，係Facetime一齊睇，因為有嘢請教佢。」但子朗仍繼續被逼供，最後傻氣表示：「冇幾耐佢就同馬明（馬國明）喇，我唔係追佢嘅心態㗎。」江美儀則笑言：「你唔使兜喇，你九成九想追佢！依家輸咗先話冇！」