姜濤認真空上陣試新形象

(星島日報報道)姜濤、Ian、林家謙、Serrini、林二汶及Gin Lee前晚演出Chill Club演唱會，「小休復出」的姜濤在台上表示早前不夠相信自己，慶幸唞夠後有機會見Fans，演出《一號種籽》的帽子舞時更型爆全場！姜濤受訪時透露放了一星期假叉電，亦打了疫苗準備出埠工作，更直認「復出」緊張得心跳加速！他默認是真空上陣試新形象，若不好看便穿回樽領，反正網友經常說MIRROR沒有夏天衫。對於Serrini大讚二人可愛，Ian反讚Serrini更可愛，皆因她在出場前主動跟花姐「申請」要拖手合唱。

Serrini否認「拋棄」阿Jer轉會：「個個都可愛，仲有Anson Lo，哈哈！」她又促請家謙開騷，皆因想看到他如Edan一樣做「鋼琴王子」，談到家謙在台上已自彈自唱，她竟說：「冇睇佢啦！（睇姜濤同Ian？）梗係啦！」家謙則笑說：「相信有生之年都未必有機會開騷，但或者會做Serrini嘉賓呢！（唔收錢？）當然不收！佢千祈唔好肉償，唔想玷污Serrini，哈哈！」