陳漢娜演15歲媽媽 與童星對戲最難

(星島日報報道)陳漢娜（Hanna）於第四屆首部劇情電影計畫得獎作品《遺愛》中飾演15歲的媽媽，戲中要跟零歲至3歲小朋友做對手戲，令她大歎好難！

「我第一次跟小朋友拍戲，真係超級難！尢其是跟兩、三歲的小朋友比較難跟他們接觸，就算成日跟她玩都好，都會好跟住媽媽。拍攝時反而要媽媽不在場，因為見到媽媽就會倚賴，如果媽媽在場又不能過去就會out focus。見唔到媽媽只對住我會容易處理，但媽媽不在又會成日嗌，我真係有時拍到叫救命、唔知點算！最辛苦是怎樣安撫她之外，亦要她冷靜下來即刻去拍攝場戲。」

業界普遍認為小孩及動物最難拍攝，Hanna笑言擔任模特兒時曾跟狗狗拍廣告，近年亦與貓兒合作，也認同小孩及動物超級難搞！不過拍攝到心目中的效果，反而會更加開心有滿足感。對於今次演繹15歲媽媽角色，Hanna坦言試鏡時原本不是這個媽媽角色，而是長大後女兒迪詩的角色。

「雖然迪詩這角色不是最主角，但同樣好重要，對我來講都好大挑戰。導演一直未決定到媽媽角色由邊個演，相隔半年未開拍。後來導演問我會不會想嘗試演媽媽角色？當時覺得自己無信心和未必勝任到，可能自己認定演迪詩，睇劇本時已經知道媽媽角色超難演，好多嘢我驚搞亂件事。後來思考好耐，導演鼓勵話我適合演，始終導演寫劇本對角色最了解同有自己想法，最後他覺得可以，我都不想太多就豁出去試。」