祖藍開新節目培育創意：收視唔係最重要

（星島日報報道）無線創意總監王祖藍昨日在新節目《死因有可疑》錄影，問到節目是如何誕生？他指整個亞太區最近掀起偵探節目潮，他於內地曾製作過同類型節目，加上公司有兩位年輕製作人有意參與，覺得是時候，一來有好市場，二來可給年輕幕後發揮。問到對收視及口碑的信心？他說：「呢一年同副總經理（曾志偉）有共識，希望畀我哋空間，同時畀幕後團隊試多啲嘢。收視會顧及，但唔係最重要，會綜合唔同原因。最緊要今次節目係兩個後生仔完全做晒，畀多啲新一代自己創作，下半年亦好多同類節目。」

談到已推出不同類型節目改革，反應是否合乎預期？祖藍指《好聲好戲》口碑不錯，觀眾可了解藝人另一面，而《死因》是發掘幕後另一面。提到無線網上節目《姐姐郊遊遊》被網民批評節目名抄襲ViuTV舊節目《美女郊遊遊》，他表示網上好壞聲音全都有留意，會改進。問到無線千瘡百孔是否有點費心費力？他說：「我仲認識當中，其實我（個位）都未坐夠兩個月！但都發覺幾多事要處理，需要了解。現時逐個部門傾偈了解，一家大公司咁多部門，每日一個都有排處理。」他強調台前幕後仍好有火，現階段一同反省，容許犯小錯，不想一下子令同事士氣變差。而原先由他主演的新劇《痞子殿下》正在拍攝，祖藍很想去探班，笑說：「原來周家洛好高，辛苦服裝部要花時間改長啲衫。」