姜濤自爆開騷後瞓足一日

(星島日報報道)人氣男神姜濤早前獲眼鏡品牌邀請到店鋪拍攝廣告，他表示人生中第一副太陽眼鏡在兒時跟媽媽去加拿大旅行時在海邊的小店買了副太陽眼鏡給他，整個旅程都有戴住，覺得自己變成外國人。完成演唱會後的姜濤，依然工作不斷，極少休息時間，他說：「我喺演唱會後都有休息過一日，嗰日就真係全日喺屋企瞓，起碼瞓咗十幾二十個鐘。雖然內心係想起身做吓其他嘢，例如睇電視或打機，但真係太攰，最終都係昏迷咗咁瞓咗成日。」一向怕熱又怕出汗的姜濤，自言是遺傳自媽媽，記得有次同媽媽去日本，當時天氣好熱，媽媽在便利店買了一大袋冰，全程一路行街一路攬住袋冰，仲話即刻心都涼晒！