ERROR歐國盃講波唔敢爆粗 193避談緋聞

(星島日報報道)ERROR將為歐國盃任「講波佬」，笑問會否講到爆粗？保錡說：「我唔爆粗㗎！戒咗啦！」自認是「保錡字典」的肥仔代為翻譯說：「保錡的意思是除了拍ERROR的節目，戒了在鏡頭前爆粗！」談到《ERROR自肥企画》熱播，193直認下體被「死亡恆星」射中後又紅又腫，痛到幾乎休克，一度想入醫院，並笑說：「依家大咗呀，由金菇變猴頭菇，哈哈！」而贏得一噸啤酒的阿Dee，笑認因工作太多僅飲了兩支。

問到保錡是否「解凍」故日前有廣告拍？193笑說：「冇話雪佢，佢自己想休息啫，人哋夾硬逼佢做嘢，幾勁呀！」保錡尷尬說：「係囉！之後嘅工作就係講波囉！」對於網民熱捧ERROR做東京奧運主持，阿Dee最想評述體操，即被193取笑想睇男人着緊身褲；保錡則說：「梗係講短跑啦！十幾秒就收工，呃騷錢一流！」此外，193表示去年與好友cover了吳業坤的歌曲，吸引坤哥留言，但拖到今年才成事，預計6月推出，並避談跟「Dee姐」Isabella的緋聞。