劉丹籲籲勿將吳偉豪不雅片事件發大

(星島日報報道)適逢母親節，無線處境劇《愛‧回家之開心速遞》舉行宣傳活動，但焦點都落在未有出席的吳偉豪（飾朱凌凌）身上。談到日前有疑似他的不雅片段流出，劉丹嚴肅地表示大家幫忙不要再將事件發酵，後生仔受不了太大刺激。

吳偉豪外形討好又形象健康，可說是前途無量，但日前疑似他的不雅片段流出，更有指他已報警備案，星途即時變得暗淡，丹爺嚴肅表示：「呢個時候大家應該幫幫手，唔好發大件事，冷靜落嚟讓事件丟淡。後生仔承受唔到咁大刺激。」談到是否近日吳偉豪已沒有拍劇通告，呂慧儀說：「呢幾日佢係無通告嘅，但都係順住排嘅。」她表示事件已交由警方處理，外人不宜說太多。

此外，劇中跟吳偉豪有很多對手戲的周家洛跟蘇韻姿，透露以訊息送上慰問，對方亦有簡短回覆。問到對方心情如何？周家洛表示最近忙於準備拍攝新劇，因此沒有了解。談到周家洛角色需到外國而暫別《愛回家》，問到吳偉豪角色可會隨行被暫別？周家洛說：「有好多可能性，希望唔好講中。」問到對影片的睇法？他說：「個人覺得社會有好多不同標準，事件已交由警方處理，大家可以先睇清楚件事，咁早妄下判斷對佢唔公平，希望大家學識互相尊重，畀空間佢。」

另外，今個禮拜日是母親節，呂慧儀透露當日要為《開心大綜藝》擔任嘉賓，因此早前跟媽媽及兒子到主題樂園慶祝。問到丹爺兒子劉愷威可會回港慶祝？丹爺透露每年一家人都會簡簡單單慶祝。至於孫女小糯米可有表示？他笑笑說：「佢每年都會畫幾幅畫，靚唔靚唔講喇，不過佢畫咩都會覺得靚。」