杜琪峯鼓勵抱恙Anson Lo：叫啲兄弟頂一頂

(星島日報報道)杜琪峯、MIRROR成員「教主」盧瀚霆（Anson Lo）及鄭欣宜（Joyce）昨日出席虛擬銀行廣告發布會，首拍廣告的杜Sir自認是新仔，大讚Anson Lo及Joyce比他叻及醒目！杜Sir又指做演員舒服，40多年來首次在片場覺得開心、零負擔及享受，若有邀約不排除繼續演出。他明言若有適合劇本會找Anson Lo及Joyce拍戲，亦承認會與ViuTV合作劇集。

笑問杜Sir會否欣賞MIRROR演唱會？他說：「可能會去『裝』吓！但睇晒全場就未必有耐性，睇吓『裝』到幾耐囉！哈哈！」Anson Lo即說：「杜Sir嚟裝吓，我哋都好開心㗎喇！」談到繼姜濤排舞暈倒後，Edan及教主也「同病相憐」，Anson Lo說：「我目前情況OK，現在盡量不跟別人說話，希望大家唔會以為我寸啦！」杜Sir即笑說：「你哋有十幾個，唱得唔好都冇人知！你唔得咪叫啲兄弟頂一頂囉，唔係要咁多兄弟嚟做乜呀？」

此外，Joyce大讚Anson Lo好正，皆因大家都愛跳舞，一拍即合，更被教主踢爆拍廣告時跳爆盲腸炎傷口，Joyce解釋因為首次與教主合作，不想舞技被比下去，只好使出渾身解數，目前傷口已無大礙；杜Sir再爆金句說：「年輕人怕咩呀！爆完再爆！」