鄭中基為林家謙抱不平：千祈唔好縮

(星島日報報道)第二場《鄭中基Drive In Ultra：WEE are Ronald Cheng自駕演唱會2021》於中環海濱活動空間舉行，場內爆滿、場外亦有近300人圍觀。許廷鏗、方力申及鍾培生等到場支持。

鄭中基邀請到林家謙擔任第二場嘉賓，兩人先合唱歌曲《我代你哭》。林家謙早前在ViuTV《Chill Club推介榜年度推介20/21》橫掃6獎成為大贏家，但一向寡言的他領獎時曾說︰「個獎自己拎㗎，咁隨便嘅。」、「我老是常出現，好煩！」引起網上熱議，更指他有機心。當晚鄭中基乘機為林家謙抱不平，他說：「聽講問你嘢，你都會講錯嘢，大家覺得係唔係㗎？唔係㗎呵！其實咁多人支持你，你開唔開心？」林家謙笑笑說：「開心，真係嘅。」鄭中基接說：「不如問吓你未來計畫啦！唔係，你唔好答，你答有呢，啲人就話你有機心，你答無呢，啲人就話你懶，所以你唔好答呢個。」全場掌聲支持。

鄭中基再問觀眾《一人之境》作曲、填詞、編曲及監製是誰，觀眾4次大嗌林家謙名字，他笑說：「係囉，四個都係佢，點解唔可以多謝自己呢？我就唔明喇，如果俾着我，我會多謝自己四次。你聽我講，你千祈唔好縮，要縮就等我呢啲老嘢縮，你好好地做音樂就得㗎啦！」隨後，林家謙再獨唱《一人之境》。

至於今次三日演唱會的門票亦分別送贈予數個慈善團體如點滴是生命、生命工場、香港家庭福利會、香港青年協會等等。而演唱會的服裝也獲不少網民大讚，負責造型設計的文念中表示：「給他加上了一頂我自己私藏的禮帽，因為他從未試過在台上戴帽表演，結果整個造型大家一致讚好，因為從來未見過這樣溫柔又可愛的暴龍哥。」