陳瀅自揭與張繼聰秘密關係

(星島日報報道)抗疫電影《總是有愛在隔離》前晚舉行首映禮，曾志偉、張達明、張智霖、張繼聰、陳家樂、方力申、蘇麗珊、陳瀅以及眾無線藝人出席支持。電影推手曾志偉及黃百鳴上台致詞，志偉再次感激10家電影公司合資、演員們的義演，好讓《總》片順利開拍幫助業界。此外，電視大戰持續升溫，話題不斷，無線副總經理曾志偉預先通知傳媒，不接受訪問。

陳瀅透露早前從溫哥華回港首個工作就是參演《總》片，她在戲中飾演酒店員工，會跟張智霖及張繼聰有對手戲，她又提到繼劇集《四個女仔三個BAR》後，相隔6年再跟張繼聰合作。她笑笑說：「阿聰係我偶像，我有重大嘅公事同私事都會打俾佢傾，佢會俾好多好好嘅意見，我亦都會聽。」她透露下星正式開拍由王祖藍統籌的無線古裝劇《痞子殿下》。她透露日前試造型，由於角色是女鏢師，服飾足足有10層，除了熱之外還看起來很臃腫。她笑說：「導演要我再減10磅，10日內減10磅，但我1日已經減到1.5磅。要控制飲食得好緊要，只可以食蔬菜。」

張智霖（Chilam）透露自己抱恙出席，他說：「呢幾日鎖骨發炎，隻手舉起都痛，我仲諗緊係咪50肩。但呢部電影太有意義，所以點都要出席，希望將正面嘅訊息帶俾更多人。」提到戲中跟谷祖琳的女兒有對手戲，Chilam承認見到BB 女會特別肉緊。問到可會追個女兒？他笑笑說：「都冇乜可能啦，始終生兒育女都要同時間競賽。」

女主角蘇麗珊戲中跟陸永飾演未婚夫妻，她的角色有點控制狂。問到現實生活中又如何？她笑說：「我唔覺得自己有，但係男友就話我係，其實拍拖都係雙向嘅。」蘇麗珊又爆男友有很多女性朋友，自認會呷醋；不過男友都相當識做，已介紹多位女性朋友給她認識，成為共同朋友。

另外，日前有報道指陳家樂秘戀港姐冠軍黃嘉雯。陳家樂笑說：「件事好無聊，明眼人一睇就知係假。其實之前有一個人用假帳號喺社交網留言攻擊我，我無理到，然後佢又向我啲粉絲埋手。我唔想回應太多，係唔想俾機會佢。」問到是否為連詩雅派「定心丸」？他說：「我工作同感情生活一向都好穩定。」