陳自瑤為「黑面」解畫：塊面「令」嘅

(星島日報報道)最新一集《Master's Talk師父有請》邀請到馮盈盈、方力申（小方）和陳自瑤（YoYo）擔任嘉賓。麥玲玲指藝人要紅就要命格有是非，小方笑指YoYo一定會爆紅，事關她在《萬千星輝頒獎典禮2020》中「黑面」表情被瘋狂洗版，YoYo傻笑說：「我澄清先，大家唔好笑住，我冇黑面，你拎返張相出嚟睇，我係冇黑面呀，當下個表達係冇乜表情，比較淡然，我冇黑，塊面仲有『令』嘅。表情係淡然，冇黑面亦冇不悅，但人哋解讀好多嘢。」小方笑指應該街訪幾位天真的小朋友覺得表情是生氣還是微笑。YoYo說：「我係估唔到嗰一、兩秒會咁有話題性，預計唔到，（大家話你係最佳視后！）多謝大家，我終於成為視后。」

麥玲玲也公開列出方力申歷年緋聞女友，包括鍾欣潼、周勵淇、胡心諾、傅穎、周秀娜及何超蓮等，連YoYo曾合作拍《大細心》MV都傳過，小方和YoYo同時舉手發誓從沒拍拖，拍完MV之後幾乎沒見面。有指胡心諾曾主動問小方交換電話不果，小方承認不會經常與圈中女性交換聯絡，遠離各方面引誘，盈盈尖叫大讚絕種好男人，小方也稱在內地工作多年從沒遇過女演員敲門。