星島日報

坤哥晒操肌舊相遭林作抽水

2021-03-31 00:00
  (星島日報報道)吳業坤日前在社交網站分享了早年的舊帖回顧,分別是左方的「肥仔相」,與右方的演唱會時爆肌的照片作對比,並留言說:「希望下個月生日可以再做到啦,回帶!」但一眾網友竟誤認左邊的「肥仔」是林作,坤哥亦無奈留言說:「本來呢個係勵志post……」、「你哋唔好再騎刧我」,認真陰功豬!

  至於正積極操拳應戰鍾培生的林作,馬上Cap圖抽水,並說:「搞掂!練拳練到9月,到時操得好,親自上陣。搞唔掂,搵坤哥頂,分幾皮俾佢。贏咗,話係林作打贏。輸,叫坤哥認其實係佢。」隨即有網民為坤哥平反,指坤哥比林作好得多,直指他慘被對方抽水。

  

最新回應

相關新聞

熱門文章