談善言朱栢康不婚也OK

(星島日報報道)朱栢康和談善言有份演出天下一與英皇頭炮抗疫電影《不日成婚》，戲中探討不少婚姻話題，扮演一對夫妻的朱栢康和談善言，兩人經常猜度對方，情節十分爆笑。

對於婚姻睇法，朱栢康直言相信關係，多過婚姻制度，若兩個人願意溝通，亦溝通得好，經已很足夠。他說：「結唔結婚無所謂！意思係若然對方想的話，咪去結囉！如唔想結就唔結！婚姻無得逼。」

談善言坦言現實中對婚姻的態度很似戲內的陳家樂一樣，兩個人一起沒有甚麼問題，維持現狀的情侶關係也覺不錯，如想生小孩才會思考結婚問題。她說：「我就無生小孩的想法，如果伴侶好想結就諗，但想生小孩，我都未必會生！我覺得結唔結婚都得，結婚無乜大程度改變，如果生小孩會整個生活改變，考慮亦不同，太大責任啦！仲要諗小孩將來點算呢？又會擔心養唔養到？所以伴侶幾想生都好，我都未必會生。」在旁的朱栢康坦言也不打算生小孩，因為覺得未能搞掂自己，若意外懷孕也會接受，覺得可能是上天送來的禮物。

對於戲中有不少爆笑對白，談善言表示早已寫好故事節奏，排戲亦好多次，導演想演員跟足劇本對白演繹。她說：「佢話喺身邊朋友聽過說話，或者朋友的朋友一些事而拎嚟用。」朱栢康也大讚導演寫得好，對白好絕。談到戲中有一幕似「捉迷藏」被老婆談善言在家中追尋蹤影，朱栢康笑言拍攝這場戲感覺驚，皆因談善言真是有氣勢。

談善言透露拍攝戲中老公朱栢康尋歡後送上鳳凰卷的戲分之前，導演指那位演員會NG或笑得最多要被懲罰，所以朱栢康好努力引她笑。她說：「好嚴肅的鏡頭，我要質問佢，但鏡頭拍緊我，佢就無端端噴晒鳳凰卷碎出來，不停引我笑，最後我NG三次。」