廖碧兒被林曉峰讚記性甚佳

廖碧兒、林曉峰在TVB共事多年，竟然從未合作過。

Previous Next

廖碧兒（Bernice）表示今次主持《是滴是友》，走訪了不少本港隱世景點，大歎地道美食，「初來港便是在TVB拍劇，食得最多是劇組飯盒，今次拍《是滴是友》反而試了很多新食物，例如臭豆腐及煲仔飯等；之前在元朗取景時也順道探了草泥馬，哈哈！」林曉峰（阿Lo）大讚「主持新丁」Bernice是讀書人，記性甚佳，令他歎為觀止；助理193@ERROR及肥仔@ERROR亦相當搞笑，「肥仔不止貪吃，還懂得吃及懂得講；193就乜都擺落肚，是劣食大師，好爽快！」

Bernice表示早在處境劇《娛樂風雲》時已跟193及肥仔合作，加上該劇有MIRROR成員，每日都有Fans送上美食，笑言在ViuTV開工一定會肥！她說：「193及肥仔經常撩我講錯嘢，因為他們經常語帶相關講有味笑話，估唔到係咁㗎！哈哈！如果要揀一個做男朋友，193就有拍拖Feel，好識照顧人；肥仔就可以結婚，因為他咩都會食先，可以幫我試毒，哈哈！」阿Lo亦踢爆肥仔為食，其他人只分得一啖，他則負責「清碟」，更試過「死等」廚師炒多碟糯米飯；Bernice續說：「肥仔經常亂食嘢，有次一邊拍一邊聽到他的肚子『咕咕聲』，更聽到濕屁的聲音，我即刻彈開呀，最後他要按住Pat Pat衝去廁所，哈哈！」

笑問有否從ERROR身上學盡「廣東話精粹」？阿Lo笑說：「Bernice唔係Low咗，係『佬』咗，哈哈！」Bernice笑指早在《皆大歡喜》年代已被林文龍及謝天華等「教壞」：「他們經常在片場講『瀨嘢』，我便學了回家講，嗲哋聽到差啲想打我咁滯呀！因為他們的年代很溫文爾雅，覺得『瀨嘢』已經是粗口，哈哈！」阿Lo亦謂家中嚴禁講「頂你個肺」、「溝女」或「條女」等粗鄙字眼，「我兩個仔也不會講這些，因為他們都以英文溝通，所以我先聽得明Bernice講咩，哈哈！」

雖然Bernice及阿Lo在TVB多年，但原來從未合作過，及至今次主持ViuTV節目，才知道有很多共同朋友，如莫文蔚（Karen）及趙式芝等，阿Lo說：「我跟Karen十多年前合作電影已認識，但一直不知道Bernice跟她是朋友；趙式芝細個時跟我學游水，原來她們又是朋友，哈哈！」二人明言想再合作，但Bernice卻高呼不敢跟阿Lo主持遊戲節目，以免被玩殘！