智叔配合治療 勇抗胃癌

2021-03-24 00:00
智叔去年曾為長者安居協會宣傳「一線通智能手表」。
智叔去年曾為長者安居協會宣傳「一線通智能手表」。

  (星島日報報道)年屆66歲的廖啟智(智叔)去年患上胃癌,更一度傳出病危,幸靠意志捱過難關。病情穩定下來後,目前正於私家病房休養,而智叔的太太陳敏兒則一直在身邊悉心照顧。她昨日到醫院探望老公,首度向傳媒透露老公病況,佩服老公努力完成一日三餐,指醫生亦讚他是好合作的「A+病人」。

  昨中午約1時10分,一頭白髮的智叔太太陳敏兒抵達醫院私家病房,在場數十傳媒即時上前拍照及採訪。有見及此,陳敏兒主動停下來交代智叔最新情況,她說:「智叔一直都有跑步,舊年因為疫情冇乜嘢做,佢全年都有跑步體能好好。但去到舊年12月中嘅時候,開始覺得食嘢嘅時候個胃脹住,去做檢查,確診咗係胃癌。跟住入院做治療,好感恩我哋遇到好好嘅醫生,同智叔都好夾,好悉心照顧,我哋好感恩。醫生都話智叔係一個A+病人,因為佢真係好合作,醫生叫佢做啲乜嘢佢都好配合。」

  陳敏兒提到智叔有時胃會不舒服,但醫生指他正在打仗需要營養,因此智叔將一日三餐當成責任,努力完成每一餐。她笑笑說:「大家都知道智叔做戲好專業好投入,原來佢做病人都一樣咁專業。我睇到佢好識得用輕鬆態度去幫自己度過挑戰同困難,我心底都好佩服佢。醫生話我同埋囝囝作為家人都係A+,大家好冷靜,亦好配合醫生同病人嘅需要。」

  另外,陳敏兒特別提到智叔近兩日的確有點疲累,因患病消息已傳開,接到不少電話慰問及訪問。她說:「有啲分心、比較疲倦。我都好想講,用番智叔嘅說話:『好多謝大家嘅關心,但太多關心同問候,對佢嚟講、對家屬嚟講都係一個負擔,收到晒大家嘅關心。』所以大家係錫智叔嘅話,可以遙送祝福俾佢就得喇!我嘅交代亦差唔多,希望大家都唔好再打電話俾我,我諗我都唔會接電話,佢(智叔)都唔會接電話,因為醫生都唔贊成,咁樣會影響佢養病,希望大家都合作。」

  約一小時後,陳敏兒於下午2時30日離開醫院私家病房,神情輕鬆的她透露智叔臉色不錯。她提到政府醫院私家病房只容許探病一小時,但已覺得相當不錯,非常感恩。有記者再問智叔胃癌屬第幾期?陳敏兒說道:「唉……唔好問呢啲嘢,我已經交代晒詳情。」她再次感激傳媒關心,重申朋友們不要致電,讓智叔好好休息。

  智叔所屬娛樂公司前晚亦發出聲明,證實智叔目前休養中,盼外界給予尊重及空間讓他可安靜調理身體。聲明指智叔一向熱心工作,備受大家喜愛和尊敬,但近期身體不適,已婉拒演藝工作,正接受專業治療,並指智叔一向處事低調,不願多談私人問題,望讓智叔家人可專心照料他早日康復,並感謝大家關心。

陳敏兒昨見到記者後,即主動打招呼。
陳敏兒昨見到記者後,即主動打招呼。

最新回應

相關新聞

熱門文章