李泳豪結新歡 鼎爺非常滿意

(星島日報報道)李家鼎（鼎爺）細仔李泳豪自從與楊思琦分手後一直單身，最近被爆與台灣新歡Agnes秘密拍拖數月，有指Agnes賢良淑德，而且行奶奶政策o氹得「未來奶奶」施明好開心，而鼎爺對「未來新抱」的印象亦非常好，希望泳豪盡快成家立室。

鼎爺接受訪問說：「係見過嗰女仔一、兩次，斯文、有禮貌，印象唔錯。（是否刷定牙飲新抱茶？）飲茶唔使刷定牙嘛！望就咁望，但結婚問題要問番他們，我無聽過豪仔提及，他要拍劇又要處理食肆生意好忙，一星期只見 他一、兩次。」問是否希望快點再抱孫？鼎爺笑騎騎說：「唔希望就呃人，但生小朋友是他們話事，你估100年前老竇話事咩！」