家燕姐需隔離 遙距做電台主持

（星島日報報道）薛家燕全家受到「Ursus Fitness」群組而接受強制檢測，現正家居隔離等待報告的她指有孕新抱陳素怡（Zoe）不會出街，亦慶幸早前獲得無線送贈冰箱，所以有足夠食物擺放糧食。

由薛家燕、思敏及范振鋒主持的新城電台節目《開心大派對》逢星期六播出，昨日在社交平台播放節目時，家燕姐以zoom隔空與思敏和范振鋒一起做節目，並註明「今日家燕姐有啲特別，因為要留喺屋企，要等待測檢結果，所以就同大家咁做節目。」原來因為「Ursus Fitness」的群組中，有「中招」人士與家燕姐居住同一大廈，家燕姐為己為人，於是自我隔離，在家中以zoom做節目。

家燕姐表示居住的大廈前日獲通知有人受到感染，全幢大廈的住戶都要強行檢測。家燕姐說：「我哋聽見話大廈住戶要強行檢測都好擔心，當然即刻問新抱有冇外出或在家？我哋亦即刻趕返屋企，後來收到通告叫我哋做檢測，即刻去醫管局轄下的診所拎檢測包，應該周日或周一就會知道結果。」

現正家居隔離的家燕姐，被問到可有影響工作？她表示周二（16日）要為無線《流行經典50年》錄影，但要先視乎檢測結果。她說：「應該無事嘅！So far都好正常，當然為安全起見，全幢大廈的人都要檢測。」

家燕姐早前在社交網宣布新抱陳素怡（Zoe）懷孕，向來愛錫新抱的家燕姐說：「新抱就不會出街啦！成幢大廈已經即刻通知清潔人員來消毒，感染的人已送到隔離中心接受隔離，但睇半山個名單都有十幾廿幢大廈都有人感染先大件事！希望疫情快些過去啦！最緊要大家出街時記得戴口罩，我地好謹慎全部無去街，好彩之前無線送個冰箱畀我，所以保持有糧食在冰格入面，屋企足夠食物，所以不會外出。」