馮盈盈拒被江嘉敏叫師姐：你入行早過我

(星島日報報道)馮盈盈跟江嘉敏自遊船河事件傳出決裂，不和傳聞一直沒完沒了。日前兩人為新節目《解構心機女》擔心主持並進行錄影，各自於社交網分享破冰合照，馮盈盈更疑似P圖「瘦己肥人」。昨日記者會兩一同接受訪問，馮盈盈解釋相片是助手拍攝的，江嘉敏笑指沒有東西可以傷害到她。

無線J2台購入日本節目《心機女》，並自家製節目《解構心機女》，由馮盈盈、賴慰玲、劉佩玥、江嘉敏及戴祖儀擔任主持，昨日舉行記者會宣傳，馮盈盈跟江嘉敏大方合照，席間兩人稍有交流但略帶尷尬。

日前節目正式開拍，馮盈盈跟江嘉敏已於社交網隔空開火。馮盈盈為江嘉敏送上珍珠奶茶，江嘉敏透露正值生理期不宜飲凍飲。問到她們是否破冰？馮盈盈笑說是走冰，她笑笑說：「江嘉敏第一次過嚟做主持，請佢飲嘢為佢打氣，但我真係未夠細心，唔好意思，無預你生理期。」

談到兩人都被標籤為「心機女」，再加上一同做節目，可有想過辭演？江嘉敏認為凡事都有兩面，心機女亦有好有壞。馮盈盈表示從來不考慮推演，任何工作機會都很樂意接受。談到P圖事件，問到江嘉敏被「P肥」可感到被傷害？她笑說：「邊個P肥我，邊張相先？」又隨即扯開話題，分享首次做主持的心路歷程。追問到有否被傷害？她笑說：「無乜嘢傷害到我㗎，哈哈哈！」提到日前有人冒認「江媽媽」名字，於網上跟馮盈盈粉絲爆罵戰。江嘉敏表示自己是公眾人物願意接受所有批評，但家人不是公眾人物，亦承認有點憤怒。

問到馮盈盈有沒有P圖「瘦己肥人」？她說：「其實張相由我助手幫我哋影，原圖喺我助手電話入面。既然大家咁執着有無P圖，我哋嘅編輯方法都各有不同，審美眼光好主觀，同埋我從來無講過我自己啲相無P圖，如果有P圖我會大方承認，唔會有P扮無P。」又即場派貼士表示底子其實好重要，她會6點半起身跑步出汗去水腫，以最佳狀態示人就不用P圖。江嘉敏即時稱她為師姐，她卻笑說：「唔好叫我師姐啦！我哋同年㗎！你2014年已經入行，維基百科係咁寫，當時我仲讀緊書未選港姐，我嗌番你師姐先啱！」兩人屢傳不和，江嘉敏說：「由頭到尾都無呢個事情發生，只係大家都繼續發酵。其實我都要多謝呢件事，唔係咁樣，我應該無呢個工作機會。」馮盈盈覺得用行動證明最好。問到是否由始至終都沒有不和？馮盈盈說：「無！」

此外，馮盈盈前晚化身「黑魔女」以Filter為題出帖硬銷個人頻道短片，提到：「大家咁想知道我執自己個樣執得幾重手？去我channel睇片啦。」

由於不和傳聞，令節目的「花生價」急升，笑問張振朗可會對花生敏感？他笑說：「我空肚嚟。（預咗食花生？）係呀，不過我都未拍，前幾日都好猛料嘅。」同為主持的賴慰玲亦說：「有好多唔同戲劇效果出咗嚟，但唔關我事嘅，我係擔當潤滑劑，希望個節目可以繼續落去。」問到她的合照可有被P圖？賴慰玲即時扯開話題，她笑說：「張振朗昨（前）晚都有傳訊息畀我，話今日會黐住我。」此外，有報道指賴慰玲花7萬元買教材給囝囝，她感激獲贊助，表示無意催谷囝囝。