黃智雯歎新年假勁放鬆 袁偉豪派雙利是嗌過癮

(星島日報報道)袁偉豪、黃智雯及馬貫東早前於粉嶺拍攝無線劇集《把關者們》，幸運地智雯有新年假期，雖然很快已投入新工作，但心情已輕鬆不少；至於去年娶得美人歸的袁偉豪，則首年以人夫身分過農曆年，他直言新身分是個好兆頭，因為利是派雙封，感覺大不同！

無線新劇《把關者們》不經不覺已拍攝了3個多月，當日他們在天朗氣清下拍攝了一段野餐文戲，三人還不時認真對戲。首年以人夫身分過年的袁偉豪（Ben），今年準備較特別，他笑說：「當然係雙封利是啦！過咗1月1號就已經有朋友提我，咁當然有準備啦，係一個好兆頭，新嘅身分，責任又大咗，所以感覺上係有唔同。」雖然農曆年間限聚令未除，但未有影響到小聚會，他說：「安排同家人、朋友見下面，家中亦有辦些年貨，雖然出唔到街，但心意都要。其實所謂聚會都係幾個人喺屋企，都係自己家人，唔係出去周圍搵人拜年。呢段時間比較忙，無太多時間留意有關新聞、了解o依家個情況係點，都係好靠朋友同事講先知。努力守住，等疫情過咗，大家再重新出發！」

限聚令對黃智雯亦不算太大影響，反而經常要動腦筋，在有限的人數及地方、有甚麼可以做？她說：「都係打邊爐，玩下小遊戲，都係少少活動。」今年由於過年前已完成拍攝，所以智雯可以享受新年假期，雖然很快便要再投入工作，但心情已輕鬆好多。

此外，提到老友胡杏兒早前挺着巨肚到內地隔離，並為春晚綵排節目及擔任嘉賓，產前亦有不少代言工作，問可有叮囑好姊妹注意安全？她說：「其實杏兒比我們更加小心，呢樣完全唔需要擔心她。知道她早排都返咗內地工作，所以之前大家都有見面。亦有同佢慶祝攞獎（《演員請就位2》「年度最佳演員」），有少少嘅慶祝，亦都送蛋糕給她，第二日就已經返內地工作，其實呢段時間都有保持聯絡。我都有叫佢小心啲，不過呢一方面佢好有經驗，所以唔需要太擔心。」