龔嘉欣陳凱琳大談生意經

(星島日報報道)陳凱琳（Grace）、龔嘉欣和譚凱琪作客《師父有請》，談到藝人做生意，龔嘉欣自爆爺爺白手興家創業做塑膠工模，細個做好多報價單文書工作，不過試過有次打少個零，被爺爺叫她唔好再搞。近年在馬來西亞開設火鍋店的她表示愛親力親為，由裝修、揀碗和試湯底等都自己去做，又高興指火鍋利潤好高，加上當地仍有明星效應，每次去到都幾受歡迎。

Grace稱投資自家落妝棉品牌是為興趣，並說：「唔係諗住一開始就賺大錢，我好細膽，唔敢投資好大，只係六位數字頭，暫時生意不錯，快收支平衡。」譚凱琪在5至6年前開過餐廳，起初生意不錯，後來遇上社會問題，加上租約期滿，營運3年就結業。