黎諾懿落區被街坊催生多個

（星島日報報道）黎諾懿日前與福幼基金會義工落區送暖，向土瓜灣劏房基層家庭派發「有機禮物籃」，諾懿直言「送暖」行動別具意義，皆因今次是與囝囝「小春雞」聯手挑選禮物、齊齊擺入籃，可惜因疫情而未能帶囝囝同行。當日諾懿與一班街坊有講有笑，勾起他的童年回憶，更不時被催促快生多個！

黎諾懿今次以有機奶粉代言人身分為基層街坊送暖，表現親民的他與街坊有講有笑，還為其中一位小朋友預祝生辰，大唱生日歌。諾懿透露近年新春前後都積極行善，還憶述兒時在屋邨長大，環境不富裕，但很開心在這種環境成長，令他更明白大家需要甚麼，可能有人需要物資，但大部分更需要關心，不諱言此行勾起童年回憶：「自己細個雖然窮，但好開心，物質上係冇乜，不過我哋會有自己的娛樂，例如用膠紙包住書包當踢波。」

探訪期間，諾懿不時被催促「快啲生多個」，他笑言一直有「造人」計畫：「但個天可能唔想我喺疫情下生小朋友，個個都好着急，林盛斌以為我唔得，成日話畀啲藥我食。太太都着急，始終佢都想有仔趁嫩生，希望快啲有好消息同大家講。」

作為父親，諾懿亦希望囝囝「小春雞」承傳他的善心：「想佢學識身體力行去關心人，但疫情下帶唔到佢嚟，不過我會培育佢呢方面認識，執禮物籃都係一個訓練，學習分享。佢大個之後會身教，帶佢去柬埔寨或者窮困地方做義工，想佢學懂珍惜。」他亦指囝囝在物質上非常豐裕，因自己兒時沒錢，故能給的都會給予他，變成有些氾濫，被太太指他在物質上太縱囝囝，會管得好嚴、禁止買玩具。