姜皓文遇兩大影帝嗌緊張

（星島日報報道）姜皓文（黑仔）今次與兩大影帝偉仔、華仔合作拍戲感開心，面對兩人亦有不同演出的方法。問到可有壓力？黑仔坦言壓力好大：「我同經理人講，如果陣間可以企中間跟他們兩個影張相就好，因為好少機會可以同這些卡士演出。」有馬來西亞血統的黑仔在新片中飾演馬來西亞華人，會講好多帶有口音的廣東話，他又稱牛年開始好開心，希望各行各業重開，娛樂圈百花齊放。對於戲院重開後《拆彈專家2》反應很好，他表示觀眾忍了好耐，前作《拆彈專家》更令他在香港及馬來西亞奪得第一個獎項，希望人人有工開，香港電影繼續旺下去。

而周家怡表示與劉德華較多對手戲，第一次見到他們都有心跳加速的感覺，希望正式拍戲時自己會淡定一點，又笑言有兩場動作戲，問她可希望多感情戲？她笑言甚麼戲都好，最重要是多戲。