祖兒喪跑解決「新年肥」

(星島日報報道)最近在北京搵銀的容祖兒，昨日在社交網站上載做運動短片，以解決「新年肥」的問題，只見她跑到心口都濕晒，絕無「揸流灘」！她寫道：「新年大放題，餐餐大魚大肉。嚟到年初六，個口想繼續食但身體最誠實，我今日起身就有啲胃脹脹，見到啲嘢食都呆呆滯滯。喺呢個時間，我哋唔好再搵藉口唔做運動啦！無論你係想瘦身，定還是想繼續再食多幾餐，俾啲勇氣行上部跑步機啦！」

貼心的祖兒又溫馨提示大家：「如果膝頭痛千祈唔好跑，斜路慢行一樣掂！」好姊妹蔡卓妍（阿Sa）亦留言說：「等我一陣都行吓先！」祖兒即回覆：「一齊行！」隔空互勉！未幾阿Sa即響應祖兒號召，在限時動態上載跑步短片，更與祖兒一樣戴上可愛頭帶，大玩少女味filter，果然姊妹情深！