譚凱琪諗計運人奶返家餵B

(星島日報報道)譚凱琪昨日產後首度現身，宣傳新劇《失憶24小時》，正在餵人奶的她明顯cup，又預告會重投工作，接拍另一劇集，會思索如何將人奶運回家，務求兼顧家庭與事業！

無線劇集《失憶24小時》將於年初四首播，昨日主要演員郭晉安、譚俊彥、譚凱琪及王君馨出席宣傳活動。譚凱琪產後首次亮相，身形弗爆的她透露隨後參演《十八年後的終極告白2.0》。她坦言會不捨得女兒，但意願可以家庭跟工作兩兼顧，正想辦法如何拍攝期間運送人奶返家。

譚凱琪自去年10月誕下女兒Gabri後首度亮相，正在餵人奶的她上圍明顯升cup。她笑笑說：「無專程度過，但着衫的確感覺唔同，唔會着緊身衫，因為有啲尷尬。」她提到會參演《十八年後2.0》，希望家庭跟工作兩兼顧。談到丈夫可有意見，她表示丈夫尊重她的決定，拍攝期間媽媽亦會幫手湊女兒。

提到疫情期間四處拍攝，可會擔心？譚凱琪提到主要對手譚俊彥及陳山聰等，家中都有BB，相信會安全。她說：「囡囡開始認人，我都擔心。不過我一返屋企就會將所有時間畀佢。」正餵人奶的她，坦言要想方法，揼人奶及運送回家。她笑笑說：「盡做啦，如果老公得閒便叫他運回屋企。」

此外，郭晉安跟譚俊彥（Shaun）對收視相當有信心，皆因拍攝時大家都非常努力。他們亦惺惺相惜，初時默契地將劇本背滾瓜爛熟，Shaun笑說：「入廠唔會帶劇本，我哋朝早打招呼唔講早晨會講對白。」亦因對劇本滾瓜爛熟關係，工餘時間他們會談談家事。安仔表示很高興認識到Shaun，Shaun又指從安仔身上學識如何做男人。