楊張新悅復出唱歌獲老公支持

(星島日報報道)楊張新悅（Nicola）昨以大使身分出席「全城有機日」啟動儀式，她表示接觸活動後才發現市面上有假冒的有機菜，自言是識分別好壞的精明消費者，但生下細女後已甚少到街市買菜，會指導工人姐姐跟住街坊大隊便可以買好餸。

問到新年如何度過？Nicola表示會忙於填詞，將復出唱歌為活動作推廣，2001出道的她自言已闊別20年，笑說：「我當年都是創作女歌手，大家誤會我是偶像派，今次好好玩呀，同樂隊一齊作曲填詞，歌已經作好，跟住要些時間填詞。（復出接觸音樂會覺得困難？）唔難，反而是覺得興奮，跟住都會拍MV同錄音，今次是一次性復出，其實從來未諗過再唱歌，但點都值得。（老公唔批准再唱？）唔會，今次樂隊有四個男仔不知幾開心，我係現代女仔，唔會被規限。」