洪永城陶醉唱K遭嫌棄

(星島日報報道)洪永城（Tony）與蕭正楠和黃翠如夫婦私下相當老友，更不時透過各自的社交網隔空互寸，阿蕭昨日凌晨於個人社交網上載一條短片，相信是Tony在蕭家作客時拍下的，見Tony在電視機前揸咪陶醉唱歌，七情上面演唱《分分鐘需要你》，可惜未唱到高音已被翠如叫停，聽到蕭氏夫婦在旁邊指指點點，十分搞笑。

雖然阿蕭已叮囑Tony唱得開心點，但他除了表情交足戲之外，歌聲聽起來十分淒涼，難怪阿蕭亦忍不住留言：「呢首應該係一首開心歌，點解聽完之後會唔開心。」而Tony則留言反擊：「出賣朋友！你唔好俾我拍到啲seven嘢。」