雲文子教4女神催旺桃花

（星島日報報道）ViuTV節目《開運旅神團》由雲文子師傅率領4位女神沈殷怡、余逸思、陳俞希及練美娟，遊走香港各區分析地運，介紹開運菜，多角度講解牛年開運攻略。

雲文子師傅提到踏入牛年，屬狗、屬羊、屬牛、屬龍以及屬馬的朋友犯太歲。當中屬羊的朋友運程最差，但在座5位女神沒有在內。談到她們最關心的是否如何催運？她笑說：「咁當然係啦！都想知道要戴啲乜嘢，食啲乜嘢可以催運。去邊一區特別旺，旺邊一類女士，大家記得留意節目。」由於疫情關係，節目組用了一個特別方法進行拍攝。她說：「節目組好愛惜我哋，點樣可以唔落地之下又可以睇地運呢？係大製作形式，就係用綠幕再做後期。」

雲文子師傅提到沈殷怡刑太歲，牛年會有相當多阻滯。問到沈殷怡於師傅指點下可會安心一點？她笑說：「都唔係呀，好擔心！師傅同我講會一落千丈，障礙重重，又多小人。事業、健康、愛情又唔好。我唔想一日流鼻血一次，變一日流三次。」但師傅笑指她夠命硬會化險為夷，叮囑她要耐心等待「筍盤」終會出現。

相信每位女士都希望把握好正桃花。余逸思坦言私下有將心儀對象給雲文子師傅算一算，她笑說：「咁少女心事，都會搵師傅私下傾。」師傅就大爆余逸思有很多追求者。

練美娟就自爆師傅有給她擺設旺桃花，余逸思即場投訴。記者笑指練美娟可能沒有追求者，練美娟笑說：「你話呀！邊個話我無呀！嬲呀！師傅話我是非之年，多爛桃花，但的確擺咗一陣爛桃花走咗。」陳俞希則表示跟雲文子師傅私下傾談的都是事業比較多。