Dear Jane恨開騷：酒吧仔都殺

(星島日報報道)樂隊Dear Jane昨日錄影「香港開電視」節目《30分鐘大放餸》，Band友齊變「疫境廚神」、親手炮製菜式，四子笑說：「唔上節目都唔知自己有一手，真的唔煮唔知身體好，哈哈！」Tim自嘲手腳慢，平時少入廚房，老婆楊洛婷只需20分鐘便煮到4個餸，自己可能仍在切菜，笑言不想餓壞老婆。

談到新年大計，Dear Jane希望再出大碟，皆因疫症一年帶來不少靈感，趁仍有火盡做，他們說：「最想再開實體騷，餓了好耐喇！（入定紙申請紅館？）要喇！如果可以開多次紅館就好了，其實任何場地都想唱，酒吧仔都殺呀，只要有觀眾便可以，哈哈！」