湯盈盈偷聽志偉錢嘉樂回歸無線大計

(星島日報報道)《愛．回家之開心速遞》昨日舉行新春活動，向觀眾預先賀年。主要演員劉丹、單立文、許家傑、滕麗名、湯盈盈及呂慧儀等人盛裝出席，滿有節目氣氛。

湯盈盈正忙於為兩女兒安排新年節目。問到丈夫錢嘉樂可會回港過年？她說：「家樂一直都喺香港呀！之前有講過返內地，我話唔好，唔知隔離幾耐又唔知幾時返，我有朋友同老公成年無見。」她透露嘉樂正在操弗身體，即將跟劉德華開拍電戲。她笑說：「我問可唔可以做茶水，咁我就可以見華仔。佢即刻擰擰頭，怕我失禮人。」談到曾志偉將在新年前回港重掌綜藝科。盈盈笑說：「我唔知，但我偷聽到好似係。」她期待志偉為無線帶來新衝擊，她笑說：「開始要操弗，佢啲遊戲節目一定會搵後生女，到時同佢哋鬥過。」問到可有偷聽到新計畫？她笑指之前有聽過他們戲言重拍《獎門人》，而嘉樂亦隨時準備隨志偉回歸無線。

早前袁文傑跟拍拖9年張潔蓮（Jackeline）拉埋天窗。問到將首度以人夫身分派利是感覺如何？他笑說：「入行多年，都有派開工利是。Jackeline感覺會大啲，佢一直都好想人哋叫佢做袁太。」袁文傑提到新年大部分時間於工作中度過，現正同時拍攝兩套新劇，更有可能同時拍3套。提到太太旺夫，他笑說：「係㗎！我屬猴，佢屬龍，係好夾㗎！中國人都係呢個思考方式。」