杜德偉夫婦撇低囝囝開心Shopping

（星島日報報道）杜德偉（Alex）跟太太李曉冰年前誕下兒子AJ，二人都將心機專注於兒子身上，不過早前二人難得有機會撇下兒子，走到又一城拍拖行街。期間二人又睇衫又睇首飾又睇名表，行得相當開心！

當日Alex和太太先到又一城一家生活百貨附設的餐廳吃午飯兼歎茶，二人邊食邊傾。吃飽飽之後，杜太就離開餐廳，可能天氣轉涼的關係，她就獨自走到旁邊的商店揀外套，不過她似乎比Alex更加忙，一邊揀衫，一邊回訊息，久久都未能專心睇衫。至於Alex就一直乖乖的坐在餐廳內邊玩電話邊等太太，一玩就足足玩了兩小時。

Alex的「坐功」原來非常驚人，食飯連玩手機，一坐，就在餐廳足足坐了三個多小時。杜太返回餐廳後，二人便十指緊扣的雙雙步出餐廳，然後開始在商場內shopping。二人先落了樓下一層，看了幾家首飾店，但杜太看的不是鑽飾，而是金器，未知是想買來送禮還是投資用，不過還是只有看，沒有買。

接着，2人又走到附近一家名表店，二人一進店內，即時詢問店員關於名表貨源事宜，等了數分鐘後，見杜太神情有點失落的離開，於是再走到一間時裝店睇衫。至於Alex就走到另一邊的櫃員機提款，然後再走到時裝店會合太太。

逛了一會，二人再轉戰另一家時裝店，這次杜太一進時裝店，二話不說就拿起一件黑色外套隨即試上身，而且愈睇愈興奮！Alex只好自己走到另一邊睇男裝，他揀衫方式比太太更仔細，先是在場內走一圈，然後才拿起一件外套試上身，可惜不太合心水。之後Alex再次會合太太，然後負責埋單，太太就第一時間將外套着上身，連膠袋都可以慳番！