周秀娜澳門開工 被延長隔離期激動爆喊

(星島日報報道)張繼聰與周秀娜（Chrissie）主演新片《馬達.蓮娜》昨日於澳門舉行開鏡儀式，阿聰及Chrissie正式拍攝前需在澳門隔離，惟防疫措施由隔離14日增至21日，阿聰坦言有劇組照顧所以很享受，但爆Chrissie得知延長隔離而哭了。阿聰說：「我又比較好彩抽到一間較舒適嘅房，頭14日好努力去睇劇本，可能個天覺得可以再努力啲，所以畀多7日我。我哋喺隔離期間都會有視像開會，我當呢段時間係一個幾難得嘅假期。」阿聰又表示今次算是離開香港及家庭工作較久的一次，不過因為澳門劇組團隊照顧周到，令自己沒有「思鄉」。

阿聰大爆Chrissie當得知要延長隔離哭了出來。Chrissie表示：「我喺14日隔離期仲有4日時已經執定嘢，得知要延長7日那天剛好冬至，可能大時大節，心有感觸就喊咗。不過我都覺得今次隔離係多咗一個好環境、多咗時間去感受劇本，令到我更加投入角色。」戲中兩人不少親熱戲，阿聰未向老婆備案，因老婆也是專業表演者。