龔嘉欣被爆為事業棄嫁豪門

(星島日報報道)前空姐「阿莎」之前開設YouTube頻道，去年直播爆「空姐最討厭明星乘客」而大受歡迎，前晚她又開直播，今次爆《萬千星輝頒獎禮》出爐「最受歡迎電視男、女角色」獎得主張振朗及龔嘉欣秘聞。阿莎自稱對張振朗沒太大好感，並指自己幾年前跟一位常做臨時演員過戲癮的朋友談及哪個演員特別乞人憎，對方直指張振朗扮「大哥」，見高拜見低踩。阿莎忍不住說：「乜嘢叫見微知著呢？佢多謝完一大爛餐工作上幫到佢嘅人之後多謝屋企人，仲有屋企隻哥基，但無多謝佢身邊女朋友呀，大家醒目都明啦！反而黎耀祥拎視帝時，連隔籬廠清潔工都特登過去祝賀，張生真係要學嘢，做到公司上上下下都尊重，一視同仁。」

然後，阿莎又爆馬來西亞空姐朋友聽豪門阿姨講，好多人都知龔嘉欣曾有一位大馬富二代男友，還打本給她開火鍋店，但傻女有少奶不做，寧為事業放棄愛情：「曾聽我嘅馬來西亞朋友講，大馬豪門界已收晒請帖，（龔嘉欣）原本真係可以嫁入豪門，不過這個傻女對演員職業有一分執着，放棄做少奶奶這份筍工，專心事業。」對於被爆為事業棄嫁豪門，嘉欣回應：「呢一個都唔係第一次聽到，不過係開心事，都好多謝祝福，現時我好開心，我會繼續專注，畀心機工作。」