羅家英楊盼盼師兄妹相認

（星島日報報道）楊盼盼昨日邀請到羅家英為開電視主持清淡節目《盼你賞面》，盼盼姐透露早前於大馬拍電影跟家英哥開始相熟，繼而知道對方是她的師兄。她說：「7歲前學咗3年，8歲就跳去拍電影。」家英哥提到盼盼姐意外燒傷一幕仍然歷歷在目，盼盼姐凝重地表示拍攝火場戲要加倍小心。

此外，問到家英哥會邀請汪明荃（阿姐）一同收看嗎？家英哥笑說：「梗係會啦！如果我記得嘅話。」提到早前踢爆阿姐收看Viutv可有令她尷尬，他笑說：「佢依家睇台灣電視、中央一台，要睇吓第二啲戲先知有咩不足㗎嘛！不過睇完都係不足，一個咁巴閉嘅電視台搞成咁，真係心酸。」談到最近忙甚麼，他透露跟阿姐一同寫書法修心，更即場展示揮春作品再跟大家拜個早年。