鄭伊娜慶生兼為B囡搞百日宴

(星島日報報道)鄭伊娜去年誕下女兒「豆豆B」後專心照顧BB，日前是她生日，同是囡囡100日的大日子，這個生日對她來說特別有意義，原本她與老公潘敬祖想幫囡囡搞百日宴，不過疫情下，他們唯有將屋企布置得好有氣氛，兩家人開開心心慶祝。

鄭伊娜指囡囡好乖，影相時十分合作，但玩到冇電，切蛋糕時瞓着覺。問到她的生日願望？她希望囡囡快高長大，健康及開心，以及減肥成功。她身為媽咪，每日見住囡囡好滿足，覺得囡囡每日都有變化，還會講BB話聊人傾偈好得意，早上5、6點被囡囡叫醒，她透露已為囡囡開社交網記錄成長，將來囡囡長大可以睇番。