阿蕭翠如互晒餐食隔空放閃

(星島日報報道)蕭正楠因被列為新冠肺炎的「密切接觸者」而接受強制隔離14天，老婆黃翠如當然掛到甩肺，為免老公以為自己「冇啖好食」，翠如在限時動態上載食物相「報平安」，更刻意Tag了阿蕭說：「維他奶過期幾日，試吓睇吓仲飲唔飲得！」

在隔離營中百無聊賴的阿蕭，其後亦上載晚餐飯盒，要老婆估下是甚麼菜式，他說：「隔離的日常，放飯啦……迷迷濛濛，你估係乜嘢？」正當翠如估橙色物體是番茄豬扒時，阿蕭開估說全部都是齋！想不到真正「冇啖好食」的是身處隔離營的他，難怪翠如亦以emoji笑爆，又笑指齋菜適合老公吃，「翠蕭」整晚隔空放閃，閃爆一眾網友！