姜濤被媽咪催識個台灣妹

(星島日報報道)MIRROR成員姜濤將於本周日由台灣返港，他前晚開Live時自爆姜媽建議他交個台灣女友，可惜自己追女仔唔叻，亦暫沒有興趣「出Pool」拍拖！

人氣男團MIRROR成員姜濤自7月中飛到台灣拍攝偶像劇《超感應學園》後，一班「姜糖」掛到頸都長，他前晚開Live分享在台灣生活4個月的感受，並透露將於本周日返港，而第六首個人單曲《愛情簽證申請》亦於同日推出，實行強勢回歸！

姜濤透露因民宿的廁所壞了，加上尚有數天便回港，懶得修理，所以撇甩靚仔經理人阿海，獨自搬到酒店住幾天，更化身「姜導遊」帶大家參觀酒店設施，晚上又在信義區Busking了小鬼的《不屑》，令Fans聽出耳油！

從小看台灣綜藝節目長大的姜濤，最愛講台灣國語，故Live全程以國語進行，又笑認講國語時不像講廣東話時「呆」，是另一個自己，相當可愛！對於早前在Live中自爆有「台灣女友」，姜濤澄清是開玩笑，講的是新歌MV有女主角，又在限時動態中表示阿海才是他的「Lover」，認真冤氣！雖然未拍過拖，但姜濤表明沒有想要交女朋友，更自嘲對追女仔不在行，但踢爆姜媽老是叫他交個台灣女友，笑指將來可移居當地，看來姜媽很心急想兒子出Pool呀！最後姜濤以廣東話宣傳MIRROR推出的首張大碟，皆因經理人花姐指銷量未達標，要他落力幫忙宣傳，一班「鏡粉」要多多給力喇！