肥媽遵亡夫遺願多見朋友

(星島日報報道)「肥媽」Maria Cordero的丈夫Rick因肺腺癌併發肺炎離世，昨日肥媽在社交平台上載近況短片，片中她攬住撲上身的愛犬，哽咽說有家人、朋友及愛犬陪伴，又指愛犬好識性，叫大家不用擔心。之後她強忍淚水憶述Rick去世的情況，指老公由入院至離世只有半日，最後同孫女講完電話就瞓覺，好安詳；臨走前叫她多點與朋友及屋企人一齊。

肥媽透露已買紙紮iPad會在三七時燒給亡夫，她再度哽咽說：「真係唔覺得佢走咗，太突然，傷心一定有。我辦完所有事，希望疫情快啲走，可以大家聚一聚。」另外，有報道Rick喪禮安排在本月17日於香港殯儀館設靈，翌日火化。