張繼聰訴心聲唔介意被指「廢柴」

(星島日報報道)王梓軒邀張繼聰開IG直播，暢談音樂及人生，並大讚阿聰新歌《David Harleyson》好正好有型！兩人剛認識時經常合作，更常傾心事，這次分享中，阿聰指自己廿多歲便結婚生B，由男孩變男人不容易：「我都係一個普通男仔，廿幾歲返工搵錢養小朋友，生活不容易，仲要面對負面攻擊，點樣同人解釋︰『其實我有嘢做㗎！我唔係靠老婆㗎！我寫歌每個月都有收入！』我由細到大算好tough，但持續幾年，蛇都死啦！我寫幾多歌，攞創作人獎，都冇人respect（尊重）……」阿聰自此不再介意惡言︰「你哋覺得我係廢柴又好、食軟飯又好，乜標籤都冇所謂，某程度嗰個都唔係我，認識我嘅人只有我身邊嘅人，口生喺人哋度，佢可以講任何嘢，但我可以揀認唔認同。」多年來的磨練，阿聰學懂調節心態，遇到負面最多只嬲8分鐘！梓軒亦從中學到不少。