黎瑞恩眉心生蛇擔心毀容

(星島日報報道)黎瑞恩日前在社交網上載左眼和眉心之間有片紅腫損傷的照片，原來受「生蛇」困擾了3星期，一度擔心毀容！

黎瑞恩留言指︰「我係想同大家講，我病咗呀！上次同大家開完Live之後，隔咗兩日，發現隻眼好唔舒服腫咗，初時以為生眼瘡，點知睇完醫生話我隻眼生蛇，唉！我成個人最靚就係對眼，點知……上次Live已經係7月23日，條蛇搞咗我差唔多一個月，因為疫情，舞台劇改咗在家ZOOM排練，初時都有頂硬上，但愈來愈辛苦，最後都要向劇團告假，喺屋企大概休息咗三個星期，病情反覆，現在似漸入佳境，但係就非常痕癢，希望盡快好番。收到舞台劇通知，因為疫情要延期，非常可惜，不過希望大家體諒，（明年）6月見大家喇，好掛住大家呀！更要多謝《男人40 CEO》劇團各位隊友，呢段時間辛苦大家啦！」