湯怡拍親熱戲提心吊膽

(星島日報報道)湯怡昨日到將軍澳電視城宣傳劇集《反黑路人甲》，問到首周反應如何？她表示每一集都有追睇，見到第一集反應已好大，笑說：「特別是轉身一幕，大家都讚，監製特別幫我拍得好靚，朋友說似洗頭水廣告，自己都希望留番長頭髮，可以接到廣告。」

問有否叫朋友支持？湯怡表示：「收到好多朋友cap相給我，但都是十幾年前做《美女廚房》的相，我最近都收到幾次，一直都不敢睇、不敢面對，當時做美少女廚神，第一次面對鏡頭，又行Catwalk又煮餸，角色的性格同當時的自己有點似，驚驚青青又不敢講出來。」提到一出場便是牀戲，湯怡預告還有更激演出，將會在車廂中進行。提到她與陳家樂在電影《死因無可疑》有牀戲演出，問是否更激？她笑說：「我覺得係，因為同家樂冇乜感覺，大家太Friend，浩信氣場太勁，搞到我提心吊膽。」