林雅詩哭訴男友偷食生B
2020-05-23 00:00
昨日見Grace帶傷上陣,問她心情如何?Grace說:「但都難過因為這件事,對於我心目中係大件事,好嬲,畀人呃咗3年。(與馬天樂現在的關係如何?)唔知係咩關係,有工作上聯絡、有嘈交,所以工作上暫時分開先。」Grace表示受情傷影響,身體與心情都差,已3日無法吃睡,食安眠藥都無用。問到有傳她入醫院,Grace思考良久才說:「係睇醫生。(因肢體衝突受傷?)是自己身體問題,不關他事。」追問醫院一事,Grace前後矛盾,坦言是對方陪同到醫院,但受傷是自己不小心,她說:「是發脾氣時撞到扭親的,傷勢OK,不用留醫。」
當談及男友與女助理一事,Grace已忍不住邊講邊流淚,她說:「他有向我講過,但我接受唔到他的答案。他說是我們當時有嘈交,他就向女助理傾訴,點解我一點都發現唔到?覺得自己好蠢!他們是工作關係、有聯絡,我信任他便沒想太多,眼下亦未見過有親密行為。」Grace續說:「有女人埋身,邊個男人不鹹濕?當時我們一齊,他有承認過發生關係一次,但一次就有小朋友?(有驗DNA?)他說沒有,我都唔明點解,我知道女助手仍喜歡他,但她又祝我幸福快樂。」
問到男方是否有意解決事件時,Grace說:「不知道,睇番件事,好似(分手)係比較理性的做法。(會否覺得情路坎坷?)前夫係咁、依家又咁。其實我都死心,他有求過我,但我自己都過唔到呢關,都要諗清楚要點做。(下一步是否抽身?)咁做啱唔啱?我都不知道,是否要成全他們一家人。」
關鍵字
最新回應