馬國明愛小朋友不排除閃婚

(星島日報報道)馬國明昨日到將軍澳電視城為新劇《BB大晒》開工，見到他推着道具公仔BB車，他說外景盡量避免用真人，之前在廠房拍過真BB，發覺與小朋友相處好考耐性，拍戲搞不掂可以將小朋友交給導演處理，相信將來自己有小朋友自然會有耐性。馬明指出劇中與香香的兩歲多女兒好乖，但很多時小朋友拍戲拍到攰就會扭計，所以拍攝要跟小朋友狀態、似打游擊，當小朋友扭眼瞓時就要調動場口，先拍攝瞓覺戲。

馬明表示與劇中女兒已經玩熟，對方很喜歡被舉高玩，他當舉啞鈴。問幾時有自己小朋友？他笑言不知道，將來結婚、生仔也瞞不到大家。至於會否閃電結婚？他表示不知道、要隨緣。馬明曾看過家燕姐的訪問，說有朋友拍拖10年最終都分手，反而有些拍一年拖便結婚，因此覺得最緊要兩人是否夾得來。