何嘉莉認與老公多咗拗撬

(星島日報報道)三子之母的何嘉莉昨日出席商台節目，她笑言自從有小孩後，會簡單度過母親節，因為湊住小朋友出街好大陣仗，又謂第一次收到大仔Jean寫母親節卡送給她，感覺好冧又激動，搞到眼濕濕，笑言：「大仔送的特別日子卡，依家仲有收藏，但普通勞作都會扔。因為太多啦！所以會用電話影相留念。」

親自照顧仔女的何嘉莉坦言頗辛苦，但又認為教導小孩要媽咪親自去做，本身比較着重小孩的品行。問到兩公婆在仔女面前，哪位做「衰人」？她說：「我一定係做衰人，自己比較嚴格又緊張，我都會訓練7歲兒子去處理自己的事，例如執衫或洗碗。」談到疫情對飛機師老公Gerald 是否大影響？她坦言載客量減少，駕駛貨機較多，亦多了時間留在家，更笑言兩人增加了磨擦：「有時會睇唔順眼！啲爸爸會hea啲，響屋企懶懶閒，但聽朋友講因疫情會跟老公多拗撬。」