柏宇醒目B女見針筒即大喊

(星島日報報道)陳柏宇（Jason）太太符曉薇（Leanne）昨日在社交平台分享片段，原來是有醫生上門為囡囡陳羿辰（Abigail）打針。雖然Abigail只有1歲零7個月大，卻相當醒目，原本在老竇Jason的身上坐定定玩耍，看到醫生在其大髀仔上消毒時，最初也不過眼仔碌碌，怎料一看到醫生拿出針筒就立即縮腳大喊。Leanne驚訝囡囡年紀細細竟認得支「針」，抱著囡囡的Jason看到心肝寶貝女喊到「見口唔見眼」雖然很心痛、但卻又忍不住笑到「見牙唔見眼」，兩父女相映成趣；當Jason見囡囡打完針都「未收聲」，就拿餅乾轉移囡囡視線，Abigail真的即刻收聲，相當可愛。