關智斌屋企玩嘢 阿Sa嘲精神病

（星島日報報道）關智斌（Kenny）自上月24日由馬來西亞返港後開始接受14天的家居隔離，期間經常在社交網站「玩嘢」！昨日Kenny在家中扮玩越野單車，透過大銀幕「造假」，但造型就絕不馬虎，專誠戴黑超和穿皮褸，全副武裝玩到手舞足蹈，還笑言：「斌斌周圍遊記，係咪又悶悶哋呢？唔緊要！#poisonLkenny帶啲新刺激俾你。認下叻先隔離期間完美練成360度轉體成功落地！三個後空翻添＃第二個係最完美不過真係震到我粒……耳環都飛埋出。」

Kenny玩到「真嘅一樣」，好友蔡卓妍（Sa）忍不住留言：「你自從有咗精神病之後個人精神咗好多。」鄭希怡也搭口：「一個好靚仔的精神病患者。」還有網民呼籲：「關注關智斌精神健康。」認真搞笑。